موضوعي باين من عنوانه هذي وصيه ح كل وحده تبي تعرس أو بالعماني (منتزقه ح العرس
) وشايله من رأسها
إن العرس مسؤولية بيت و أولاد وريل
بس أتمنى الكل يقرأ الشعر ويعطيني رده ما أبي تطنيش
. حتى الشباب مفتوح لهم باب الحديث (لكن بدون مصخره
لان البنات بيقولوا لي :خليتينا طراطير ح الشباب
) ..
وصيه للعروس
لاتحسبين العرس توفـي وكتكـات .... ولا تحسبينـه توكـس وإلا بونتـي
ولا تحسبين العرس كيكة وطرطات .... وصلة قطعتيهـا ووصلـة بلعتـي
ولا تحسبين العرس تصفيق وأصوات .... وأنت على صوت الزغاريط همتي
ولا تحسبين العرس كوشة ولمبـات.... وأنت كما الطاووس فيهـا جلستـي
ولا تحسبين العرس أحلام في الشات .... يامـا بنيتيـهـا ويـامـا هدمـتـي
ولا تحسبين العرس روحة وجيـات.... هيا اقبضي بيتك عسـى مانهبلتـي
ليلة سعيدة وأنت أحلـى الجميـلات.... تشخص عيون الناس إذا حضرتـي
(الايلاينر)حطيـه بـلا زيــادات .... لا يخـرب المكيـاج اذا دمعـتـي
(والمسكرة)تحتاج لطف ومـدارات .... حتـى يبـان الزيـن اذا رمشتـي
(والاسبريه )رشيه حتى البصيـلات .... يمسك شعرك زين لو كـان زدتـي
وترى(المحدد)فن يحتـاج رسمـات .... يبـان رسمـه زيـن اذا ابتسمتـي
العـرس يابنيـة ماهـو شعـارات .... تفنـى مراسيمـه وتبقيـن انـتـي
ويبقى شريك العمر راعي السيارات .... هذا هو العـرس حقيقـه عرفتـي؟
اول نصيحة لك حفـظ الصلـوات .... صلي العشا والفجر في كل وقـتِ
وفي ليلة العرس الموفـق بالـذات .... ادعــي الكـريـم إذا سجـدتـي
والتعري لاترضين عند الكوافيـرات .... ولبسـك يملـى العيـن اذا لبستـي
واللي على زوجك تحرضك مرات .... ارجـوك شوتيهـا شوتـت بلنتـي
والصبر في العشرة حتى على فتات .... ياماحـلا فعلتـك يومـك صبرتـي
واذا حفظت السر مـع المـدارات .... زوجك ترى في عيونه كبرتـي
والسوق يعني هاه وقت الضرورات .... والاتـرى زوجـك يـدور مفتـي
زيدي الغطاية وكثري في العبايـات .... والله يرضـى عنـك اذا ستـرتـي
اوصيك بالكبسـة وكثـر اليدامـات .... حتى لوانـك مـن سببهـا متنتـي
وخلي الرجيم اللي فشلتي فيه مرات .... سويـه مـرة واحـدة لا ولـدتـي
وشكرا على مروركم
تحياتي اختكم \سليل
موضوع: وصيه للعروس 
الأربعاء يوليو 30, 2008 5:55 am
